Здраво!!!
Ја
користиме оваа можност да го изразиме нашето задоволство за учество во проектот
“Youth Trough The Lens”. Ние
сме EVS волонтери
кои доаѓаме од Македонија. Тука сме благодарение на соработката помеѓу нашата
организација “Together Macedonia” и `host` организација “GEGED”. Иако дојдовме како EVS волонтери
почестени сме да бидеме лидери во проектот “Youth Trough The Lens”. Ја
имаме можноста да ги запознаеме одблиску врските, односите, начинот на
комуникација и пристапот помеѓу младите од Турција и Сирија сите заедно
сплотени на едно место. Ги споделуваме нашите искуства, мислења, можности,
приорите, ограничувања, чувства..., а од друга страна научивме сето тоа да го
претставиме на фотографија. Им благодариме на оние кои дојдоа до идејата за
овој проект и уште поголема благодарност што ни овозможија ние да помогнеме во
реализирање на истиот, затоа што она што е преставено на фотографија останува
такво какво што е, додека искуствата можат да се надополнат, мислењата да се
сменат, можностите да се зголемат, ограничувањата да се смалат, чувствата да
избледат, но фотографијата останува...
Благодарение на искреноста и младиот дух на учесниците во проектот
можеме со сигурност да кажеме дека добивме потпора за слободно изразување и
научивме да ја доловиме слободата без разлика на ограничувањата со кои се
соочуваме. Слобода, млади, посветеност,толеранција, - теми на кои што сега
можеме со сигурност да дебатираме и да споделиме искуствата кои што претходно
не можевме ни да ги замислиме.
Да, тоа сме
ние Македонскиот волонтерски тим. Ја имам честа да ги претставам членовите од
тимот. Да започнам од себе си. Се викам Емилија Тасиќ, имам 24 години и доаѓам
од Куманово. Дипломирав на факултетот за електротехника и информациски
технологии. Од Куманово доаѓа и Александра Тасиќ, има 21 година, студент е на
факултетот за електротехника и информациски технологии и работи во невладина
организација CID во Куманово. Другите членови на македонскиот тим доаѓаат од
Битола. Елена Талевска има 20 години и е студент на Економскиот факултет. На
истиот факултет студира и Александар Сиџимовски кој исто така има 20 години.
Најмладиот учесник во нашиот тим е Драгана Ѓорѓевиќ. Таа е ученик во
гимназијата во Битола и има 17 години. Тоа е она што јас можев да го кажам за
мојот тим. Нивните чувства и импресии самите ќе ни ги доловат...
Александра:
Се чувствувам прекрасно затоа што имав можност да ги запознам другите учесници
од овој проект, со кои научив да споделувам разни идеи, мислења и ставови.
Времето поминато тука ќе остане долго во моето сеќавање. Не сакам да навлегувам
во детали, само можам да кажам дека една слика вреди илјада зборови.
Драгана: Од
самиот почеток овој проект ме водеше кон нови видици и ме доближи до светот на
фотографиите, свет исполнет со креативност. Секоја активност ме исполнуваше со
среќа гледајќи го уживањето и радоста на лицата кои со голема заинтересираност
присуствуваа на активностите. Мотивите на самите слики, приказната којашто
сакаме да ја раскажеме преку нивните детали е младите во Газиантеп и што за нив
значи слободата. Секоја новосоздадена слика не доближува се повеќе до нивните
сфаќања и нивниот живот како млади лица во нивното општество.
Александар: Да
се биде дел од овој проект, за мене претставува особено значаен дел од мојот
живот, затоа што ќе стекнам големо искуство, се запознавам со други култури и
нации, при што ми се прошируваат хоризонтите и го зголемувам своето почитување
кон другите народи. Проектот има прекрасна цел, да прикаже дека младите на
секаде низ светот се исти т.е. слични помеѓу себе. Времето е исполнето со
забава дружење и комуницирање помеѓу учесниците. Проектот не потсети сите нас
да се биде млад значи да се биде слободен, либерален и да се живее животот во
секој момент.
Се гледаме на изложбата,
Поздрав
Елена: Овој месец поминат со млади од Турција,
Сирија и Франција ми помогна да дознам за нивниот начин на животот , а преку
сликите кои ќе бидат објавени на изложбата на крајот на месецот тоа ќе можат да
го видат и оние кои ќе бидат присутни на таа изложба. Со работата на овој
проект јас имам можност да научам дел од културите и да запознам луѓе од овие
земји. За мене ова претставува големо искуство.
Articles
en français ça donne quoi? tout à l'air de bien aller, bises à Tous<;
Fabrice
can you translate?
http://youthlens2013.blogspot.com/2013/07/macedonian-team-in-gaziantep.html here is our article in English :)
l y a un autre article en anglais écrit par nos partenaires Macédoniens, juste avant celui-ci ! Il est plus court mais comme tous les articles en français ne sont pas traduits, certains autres écrits dans une autre langue ne le sont pas non plus.. Désolé !
Sinon oui tout se passe bien ici et de nouveaux articles sont bientôt à paraitre sur le blog, en français cette fois-ci ;)